Assalam
oalaikum,
Pichli
post mein hum ne dekha ke kis prakaar victim uttejit ho ker jadu ulatawaane ke
bare mein sochne lagta hai. Yadi us ka koi maargadarshan na kare to woh
vaastivikta mein aisa kar bhi leta hai. Victim ja ker kisi roohani upchaar
karne wale se kahega ke ‘Main tang agaya hun apne ooper hone wale is atyachaar
se. Kripya kar ke mere ooper giya gaya poorna jadu palat dijijiye mere shatru ki
ore’. Yadi us amil ne victim ki baat maan li to yeh samajh lein ke wo amil
dhokebaaz hai kyunki. woh jaan bujh ker aise pratishodhi victim ko kuein mein
dhakel raha hai kyunki woh bhali bhaanti jaanta hai ke aisa karne ka parinaam
kitna jokhim bhara ho sakta hai.
Yadi
koi victim kisi makkar amil se ja ker jadu palatne ki baat karega to yun samajh
lein ke us amil ke lottery khul gai. Fir wo us victim ki samassya ka samaadhaan
karna to dur ki baat hai us ko dal dal mein fansaa dega evan svayam dono hathon
se kamaayega.
Aisa
is liye hota hai kyunki kisi jadugar per us ka kiya hua jadu palatne se yuddha
aarambha ho jaati hai. Vaastava mein dhokebaaz amil aise hi avsar ki prateeksha
karte hain jab un se koi victim aa ker yeh kahe ke us ko jadu ka ulataav
karwaana hai. Yadi koi murgha na bhi fanse apne aap to jo atyant chhal-kapat
karne wale amil hote hain, wo svayam victim ko uksaate hain jadu ke ulataav
karaane ke liye. Us ko jhute sapne dikhaate hain ke yadi tum aisa karwaoge to
tumhara shatru bhi isi prakaar tadpega jaise tum tadap rahe ho. Victim samajhta
hai ke us amil ko usse sahaanubhooti hai jab ki vaastav mein woh amil us victim
ko dishaaheen karke aur us ko sankat mein daalna chah raha hota taaki us amil
ki achi kamaai ho sake. Yeh kaisi hota hai is baat ko spashta kar deta hun..
Mere
anusaar vishva ke 80 pratishad jadugar jinaaton se kaarya karwaate hain. Woh
aadesh dete hain ke jao, falaan falaan per jadu karo evan woh jinnat us ke
aadesh ka paalan karte hain. Yadi koi victim jadu palatwaata hai to yadi woh
jadu kisi jinn ka kiya hua hota hai to jadu ke ultaav se peeda jinnat ko sehni
padti hai. Woh jinn aakrosh se bhar ker palat ke aakraman kar deta hai victim
per. Bechara victim jo jadu palatwaane ke pashchaat is bhram mein hota hai ke ab
us ki samast samasyyao ka samadhaan ho chukka hai, ek baar fir se bhootgrasta
ho jaata hai.
Yadi
victim per jadu svayam jadugar ne kiya ho tantra mantra dwaara to fir to victim
ko aur bhi lene ke dene pad sakte hain. Sarvapratham jadugar apne jinnat ki
sena se pata karwaata hai ke us per kis ne amal kiya hai. Jinnat sheeghra hi us
ko jaankaari de dete hain ke falaan falaan vyakti jadu ka ultaava karwa raha
hai aap per. Jadugar apni jinnaton ki sena ko aadesh deta hai us victim per
aadhyatmik aakraman ka. Bas us ke baad victim ke bure din aajate hain kyunki
aarambha mein to kewal ek aad jinnat jadu karta hoga us per parantu jaldbaazi
mein uthaaye hue ek ghalat qadam ke kaaran fir us per poorna jinnat ki sena tut
padti hai jadu karne ke liye. Aise sthiti mein victims ko sadak durghatnaaon,
gambheer rog evan maanski santulan khone jaisi samasyaaon ka saamna karna padta
hai. Anek victims ki is ghaatak aadhyatmik yudhha mein mrityu bhi ho jaati hai.
Is
liye victim apne paeron per svayam kulhaadi na mare to yeh us ke hita mein
hoga. Warna us ko yun samajh lein ke hazaaron jinnat se yudhha karna padega, us
per anek jinnaton dwaara kiya jaane wale jadu ko katwaana padega evan jinnat us
ko jab rogi banaa denge to us ko chikitsa bhi karwaani padegi. Aisi sthiti mein
surakshit rahne ke liye victim ke paas koi shaktishaali amil hona chaiye jis ke
paas jinnaton ki badi sankhya ho evan jo jinnat ko maarne mein kushal ho. Jadu
ke ulataava ke samay kisi kushal evan shaktishaali aamil ko apne sath rakhein
taaki yadi koi gadbad ho jae to woh sambhaale. Yani kisi prakaar ka koi khatra
na lein. Yadi aisa na kiya to is kaarya mein samajh lein ke haani ke atirikt
aur kuch bhi nahin hai.
Yadi
koi shaktishaali amil mil bhi jae victim ko to fir bhi us ko yeh pahle hi
samajh lena chaiye ke jadugar ke paas asankhya jinnat hote hain jinhe khatam
karne mein 5-10 saal ki avadhi la sakti hai. Kya victim ke paas itna dhan hoga
jo woh amil ki fees deta rahe itni lambi avadhi take van apne shatru se yudhha
karta rahe? Yeh samast tathyon ko dhyaan mein rakhte hue soch vichaar ke
pashchaat hi pratishod ka nirnaya le, warna na lein. Is karne ein kitna khatra
hai aap aisi samjh lein ke jo jadugar victim ke kuch na karne per us ko itni
peeda de sakta hai to jab victim palat ker aakraman karega to woh jadugar viitm
ka kya haal banaega. Ya fir amil itni uccha koti ka ho jo har jadu ko moakkil
se palatwaa sake evan moakkilon ka samrat us ki sahayta karne ko tayyar ho.
Kewal uccha pad ke amilon ke paas aise vishesh moakkil hote hain jo jadugaron
ke jinnat ko maarne mein kushal hote hain
Maine
aap ke saamne poorna tasweer darshaa di hai. Ab nirnaya aap svayam le sakte
hain.
20 comments:
As salam o alaikum janab meta masla inthai pacheeda h mere Bhaio m ittefaq nhi h walid ki nhi mante Jo kamate h apne wives ko khelate h magar ghar ki taraf billkull diyan nhi dete h aur wives ka kaha mante h Jo wife kahe wahi karte h islea m in asraat ko khatam kerna chahta ho muje reply do wasalam
aslamoeliakum sir mari shadi ko 3 saal hogye hai mary husband ny mjy 2 saal sy ghr sy nikal rakha hai may apni ami k ghar hon ab vo talak ka b dyny ka faysala kr ray hai may chati hon k vo talak na dyn or mjy izat sy lany ajyn or apny sath rakhy.mary maa baap bot peryshan hai ap mari madat kary koi wazifa bta dyn k mary husband mjy lany ajayn .
Assalam o alikum
Mera Name Rehan
main apnay karobar ke wajha say bohat pareshan hon
ap say pata karna hay kay kya masla hay
thanks
meri kisi se shadi rni thi.. ham dono razi the shadi k liye..fr pta ni ladke ko kya hua..mjhse bole unhe lag rha haai unke upar koi jadoo kra rha hai..or fir unhne mjhse baat krna band kr di..aisa ho skta hai kisi ne jadoo krvaya ho..bt mai ye pta kese kru..wo dubai me rehte hai or mai india..or hamari baat bhi ni hoti
Assalam u Aalikum mujjy aap sy apny husbnd k baray mai kuch pochna hy wo jobless hain or koi kaam karny ko dil b nai chatha.plz aap mujhy check kr k btain gy k on k sath kia masla hy
Mery abu ki tabiyet boht kharab hai ap ne jadu ki jo alamaat btai hai un me se kafi milti julti hai.es k elawa hum ne 10 amel se hisaab lagwaya hai sab kehty hai Kala jadu ho raha hai.hum ne un k medy k test krwaay the un me cancer aya hai.ap please muje btaen k kala jadu se cancer ka hona mumkin hai? Es ka Qurani elaj kesy mumkin hai? Please meri madad karen.
Assalam walekum sir mera naam amreen mein pichle 4saalo se bimar rhti hu dimagi aur jismani taur pe mujhe bhook bilkul nhi lgti khana khate hi acidity ulti ka mann hota hai hr waqt ghabraht hoti hai pure jism me dard rhta hai namaz pdhne aur quran pdhne ka bilkul dil nhi krta.peshab baar baar aur bht tez aata hai aur nahane ka bilkul dil nhi krta.ghar se baahr jane k naam se hi ghabraht hone lgti hai aur baahr jati hu to dimag kaam nhi krta bht ilaj krwaya kuch fayda nhi hua.kisi kaam me dil nhi lgta jism me aalas aur bharipan rhta hai.kya mere pr koi jadu k asraat hai kya aur iska kya ilaj hai mujhe btaiye apki bht mehrbani hogi plz mujhe jaldi reply kare mein bht pareshan hu.meri umar 27 saal hai
Aur mujhe neend bhi bht km aati hai plz mujhe btaiye k mein kya karu plz email me bht pareshan hu mein
Asslamo allakum
Mere sir me bahut tez dard rahta hai aur bechaini si lagti aur kabhi kabhi aisa lagta hai jaise bhukamp aa gaya ho kahi bhi msn nahi lagta aur kuch yad karne ki kosis karta hu to bahut muskil se yad ata hai aur aisa lagta hai jaise kan se kuchh nilak raha ho aur aur azib sa man me dar lagta hai bahut Hafijo ko dikhaya batate hai kisi ne jadu tona kar diya hai taviz waigra se do char arram rahta hai bad me fir wahi ho jata hai plz meri maddat kare engineering kar raha hu aur last year me hu meri puri life barbad hoti ja rahi hai mai bahut paresan hu
Sir,Meri Ami ki zuban or mu k andr ki skin Kali ho gai hai kch b khaya piya ni jata plz koi hAL btaen un py kaly jado ka asr hai
Sir november 2012 tak sab kuch theek chal raha tha naya ghar bhi liya kaam bhi theek chal raha tha leki sir december 2015 mein achanak pata nai kiya hua pehle dimaagh pe asar hua bohat doctors ko dikhaya aamil hazrat ko dikhaya lekin kuch bhi theek na hua medical reports normal thi lekin dimaagh mauf rehne lag gaya eik dost ke saath kaam kiya wo pese kha gaya 20 lakh ye abhi ki baat hai is ke elaawa ab ghar mein pese nai hain 5 waqt ki namaz parhta tha baqaidgi se wo bhi bilkul khatam ho gaye hai agar namaz parhta hoon to doosri namaz nai parhi jaati sehat bhi gaye pese bhi aur namaz bhi sir bohat tension mein hoon plzz help me .koi wazeefa btayein.taake sab pehle jesa theek ho jaye
Assalamualikum
Mare mom ko kidney ka problem h or week me do bar Dailysis kar va te h lekin un ko sharir me bhuat bechani reh ti or rat ko nind bhi nai aati h ..merbhani kar khuch dua batao jisse unko rahat ho jaye bade aap ke merbhani ho gi
Sir assalamualikum mere walid ka pait phol gaya he pani he pait me or blood ki womitng huti he matli bahut dil ghabrata he or 2 din se behosh hen dimag kam nahi kar raha sunn hu gaya he sir ap ilaj kar deye plz 3 dafa anduscopy hu gai he me bahut ghoma hu koi nahi kar raha doctors ne jawab de diya he Allha ap ko ajar e azeem de ga age 63 he in ki plz sir jawab zaror deye ga mere walid ki zindagi ka sawal he
Bhai Asalam o alaykum
May air mayri Mrs kafi parayshan hn ap ko parha tu yakeen aya me abhe bye achay log dunya may hn jin say ye dunya chal rahe hai Bhai him 2 no husband wife bimar rehtay hn khas kar mayri Mrs aik bimari jati nai dosri a jati hai Hakka khoon hai nazar hamari family ko lag jati hai Hamaray masha Allah 2 Betsy hn bara Ali 17& half ka hai aur chota rehan 10 ka hai baki lambi kahani hai plz ap dua krain air koi Allah me wastay hal batayen wife buhat bimar rehti hn parayshan hn ap ko Allah pak aisay he sab ke madad karnay me tofeek at a karay ameen
Assalamu Alaikum
Bhaijaan mai bahot pareshan hu bahot se Maulana se mil chuka hu muje
koi shifa nhi mili hy. Mai bahot Karz me aachuka hu mere bazu me rahene
aurat ne meri rozi band kara di hy sab tarafse karze me chala gaya hu
aur kala jadu b hy mujhpar please Allaha k kalamse koi tarika batayiye
Bhaijaan Allahamdullualaha aap bahot acha kaam kar rhe hy Allaha apko
kamyabi de aap kheriutse raho ye Duaa ,,,
Mera Naam Farhan ,Maharashtra , India ka rhenewala
hu Mujhpar 2004 me kala jadu kiya gayaa Sabse pahele mere sir k Baal aur Mere
pair k niche ki Matti lekar gaye ,,,,,,jab mujhpar jaadu huwa tab meri gardan thodi
cut gayi thi gardan par zakham ho gyi thi mere nafss par zadu kiya gaya mai
kyaa soachata hu kyaa bolta hu wo sab logo ko samzh aane laga 1 saal tak mai
gharme rha fir muje Dil me nafs me sirf Allaha ka naam lete rha aur koi b sura
padhta rha wo ho gya toh ab meri ankho par zadu kiya gaya hy mai kyaa dekhata
hu kya soachata hu wo sab muje jaanbuzhkar gharme sulakar rakha jata hy
aur ye zadu Hindu ne kiya hy ye fixx hy shayad mera putla banaya hy muje kabhi
kabhi knhi par b jism par zakham ho jati hy kabhi skin jal jati hy plzz Allaha k liye
muje iss jadu se nizat pane ka koi parmant tarika batayiye ,,,,Aur ab mera Internet
ka business hy uss business ko b bandish kar di gyi hy mera shop me baithane ko
dil nhi krta business pura stop ho gya hy mai minus me agaya hu karze me dupte
ja rha hu agar jaldi agar ilaz nhi kiya toh shayad mai road par ajayunga .....
plz aap muje jald se jald koi permant ilaz batayi Allaha apko kamyaab kre
Duaa me yaad rakhiye ,,,,,Fiamnillilaha,,,,,
As salam alaykum
Mera naam aaliya hai hume shaadi ko 7 saal hogaye magar humein aulaad nahi hai kya aap please humein batayenge iski kya wajah hai plz help us
eagerly waiting for ur reply
thanks
Sir Aslam-o-Alaikum
Sir mh ap se request krta hn k please mjhy is bary mh btaen pta k mh kch mahino se bemaar rhta hn kbhi bikhar kbhi chakar kabhi chest me pain bgher kissi waja k sir yh phly ni hota tha abi 4,5 mahinoo se horaha hai
Sir mere sath hadsaat b bohat hoty hain ur mera koi kaam theak se ni hota
Sir ab tu pichly jumerat se ajeeb hora he mere kaan me beep type awaz gonjhti hy esa lgta dimag se arahi hai
Please mjhy pta kr k btaen k yh jadu hai kia?
Ur agr hai tu kiss ne karwaea hy mjh par
Sir please jaldi btaeay ga m bht pareshan hu
aslamoeliakum sir mari talak ka masla chal raha hai or may lyna nae chati mager mary husband dyna chaty hai koi wazifa bta dyn k vo ruk jayn or na dyn ALLAH apko ajar dyga.
Amel sahab hum bohot pareshaan hain bohot zyada koi kehta ha k nazr e badd ha , koi kehta ha k jadu ha , koi kehta ha k Dr. ki bimari ha. Humien kuch samaj nai ati k hum kya kren khudara humare liye hisaab krdien. Mera naam sajjan ha, , khudara jawab dien jaldi hum bohot pareshan hain.
yaad dasht bohat kamzor ho gei hai . kisi cheez ki boo nehi aati . paishaab ka rang safaid ho gaya hai , bar bar tthora thora aata hai . padd kabhi kabhi mahino nehi aate jab aate hain to bohat lambe ya zor ke aate haon lekin boo nehi hoti .hazma theek hai .. kabhhi kabhi haath paown main jallan hoti hai ..pehle bohat hoti thi . jism ke pathey din raat khichte rehte hain khas kar sar ke piche gardan aur peeth ke pathay jaise chalte rehte hain . kaam nehi kar sakta .
KHwab yaad nehi rehte ..
aap ki fees kitni ho gi ? ta keh bandobast kar sakon .
mujhe afsos hai keh aap ko bar bar disturb kar raha hon lekin jaise koi bat likhne lagta hon to takleef shuroh ho jati hai
mujh chalte howe sans phol jai hai aur seene main dard hota hai . chalna mushkil ho jata hai
galla hamaisha kharab rehta hai
chirchra ho gaya hon , gussa bahot aata hai
mera chehra bad-soorat ho gaya hai
dant gir gaey hain , sehat bohat kamzor ho gei hai , jo halat meri ho rehi hai , chand din main mar jaown ga
Post a Comment